Galwodd Aelod o'r Senedd Plaid Cymru ar y Prif Weinidog yr wythnos hon i egluro ei datganiad bod "llymder ar ben.”

Defnyddiodd Peredur Owen Griffiths gwestiwn y Prif Weinidogion i ofyn i'r Arweinydd Llafur sôn am ei rhagfynegiad beiddgar i'w chydweithwyr yn y cyngor sy'n gwneud toriadau enfawr ar hyn o bryd.

Yn ystod y sesiwn lawn, dywedodd Aelod Senedd rhanbarth Dwyrain De Cymru: "'Mae llymder ar ben'—dyna oedd eich geiriau yn y Cyfarfod Llawn ychydig wythnosau yn ôl.

“Gadawodd lawer ohonom yn gegrwth, ond rwy'n siŵr nad yw hynny'n ddim o'i gymharu â'r ymateb a ysgogodd ymhlith cydweithwyr mewn llywodraeth leol.

"Cymerwch, er enghraifft, Gyngor Bwrdeistref Sirol Caerffili a reolir gan Lafur, lle mae'r penderfyniad i gau plasty Tuduraidd yr awdurdod lleol, Llancaiach Fawr, wedi'i wneud.

"Fe wnaethant hyd yn oed ystyried cau'r gwasanaeth pryd ar glud, sy'n darparu ar gyfer rhai o'r trigolion mwyaf agored i niwed yn y fwrdeistref sirol, nes i'r brotest dyfu'n rhy uchel.

"Yn y cyfamser, mae cynigion ar wahân i dorri trafnidiaeth ysgol a darpariaeth llyfrgell wedi cael eu cyhoeddi. Dyma rai o'r penderfyniadau anodd sy'n cael eu gyrru gan lymder sy'n cael eu gwneud.

"Felly os yw llymder drosodd, Prif Weinidog, pryd fydd fy etholwyr yn dechrau ei weld a'i deimlo? Pryd allwn ni ddisgwyl i lywodraeth leol gael yr arian sydd ei angen arni i ddod â llymder lleol i ben? Dydi jyst dweud ddim yn gwneud iddo ddigwydd."

Wrth ymateb, dywedodd y Prif Weinidog: "Mae'n cymryd amser i ddod drwy'r system."

Os hoffech chi gefnogi Peredur a Plaid Cymru, cliciwch ar y linc yma.